Strømsgodset mot strømmen

Strømsgodset er éin av klubbane som dei siste åra har hatt auka tilskodartal. Journalen dro til Tromsø for å følge strømsgodsetsupportarane i jakta på seriegull.

- Vi hadde ein topp i 2007, men etter det har det gått ned med tretti prosent, seier Thomas Torjusen i toppfotballklubbane sin interesseorganisasjon, Norsk toppfotball.

Strømsgodset derimot, har hatt ei auke i tilskodartal på heile tjue prosent dei siste åra. Salgssjef i Strømsgodset, Viktoria Fladby meiner det hovudsakleg er sportslege resultat som er årsaken.

- Frå cupfinalen i 2010 og at vi har vore med i gullkampen i serien to år på rad, har det hatt mykje å seie for tilskodartalet, seier ho.