Håtveit tok bronse i sitt siste X Games

– Det er helt sykt. Jeg trodde ikke på pallplassering i dag. De andre kjørerne er unge og gira, mens jeg er gammel og skrøpelig, så dette var bare helt enormt, seier Håtveit til VG.

Nordmannen opna svært bra med 90.33 poeng, og leia dermed første omgang i finalen. Det var denne runden som til slutt vart hans beste.

Tredjeplassen vart Håtveits siste X Games-medalje.

– Jeg skal kjøre ut sesongen. Etter det er jeg ferdig med konkurranser, bekrefter Håtveit til NRK.no.

Vidare ynskjer 27-åringen å prioritere meir tid i lag med familien.

Sjå fullstendig resultatliste frå mennene sin slopestyle-finale i X Games med ski her.

 Toppen av pallenLaurdag Silje Norendal sikret seg sitt andre X Games-gull. Foto: Skiforbundet.Laurdag sikra Silje Norendal (20) sitt andre gull i X Games.

Amerikanske Jamie Anderson (23) tok leiinga med god margin etter første omgang, og plasserte dermed namnet sitt og 95,66 poeng på toppen av resultatlista. I runden som følgde, var det lite som ga teikn til at dette skulle endre seg.

Så kom tredje omgang. Anderson klarte ikkje å betre poengsummen sin, men det gjorde derimot norske Silje Norendal. Etter et perfekt run med solide triks, kjørte 20-åringen i mål til 96 poeng. 

Og det var ein tydeleg rørt Norendal som møtte journalistane like før medaljeseremonien.

– Dette er helt sykt. Det har ikke gått opp for meg ennå, seier Norendal til VG, og held fram:

– Jeg trodde ikke jeg skulle klare å slå Jamie. Jeg har ikke akkurat hatt verdens beste treninger i det siste, så jeg hadde ikke trodd dette. Jeg tror jeg aldri har vært så nervøs før, men i dag bare hjalp det, fortsetter hun på vei til medaljeseremonien.

Sjå fullstendig resultatliste frå damene sin slopestyle-finale i X Games med snowboard her.